أيوب بقلم الشاعر حسين الديب

• و مين في الدنيا مش أيوب
• ومين في الدنيا مش يعقوب **
• ومين في الدنيا ما إنضرش
• ولسه راضي بالمكتوب **
• ؛؛؛؛؛:؛::::::::
• ناس شقيانة من يومها
• ماشية تجر في همومها **
• عمالة تداري في هدومها
• وكل قماشة من توب **
• ولسة راضية بالمكتوب 
• يا دنيا إنتي لية آسية
• على ناس عايشة بالعافية **
• و بدلتي نفوس صافية
• وعايشة تداري في المعيوب **
• ؛؛؛؛؛:؛:؛:::::::
• عملتي صليب في جدرانك
• و وقفتي علية سجانك **
• و بتقولي الصليب للظالم
• وفي الواقع أنا المصلوب **
• أنا المصلوب أنا المغلوب 
• أنا إللي لسه عايش فيكي
• و بردو راضي بالمكتوب **
• أنا إللي الهم فوق كتفي 
• حديد مصبوب **
• وأنا إللي لسة بتحمل
• و صبري ك صبر أيوب **