................................................................
صابر علي الألم
والألم فيا ملضوم
أصب حبر القلم
ألقا الحرف مكتوم
طيب مين كتم
صوت كل مظلوم ..؟
طيب مين لضم
حروف كل محروم ..؟
ورماها في بحر الندم
وسقاها الأمل مسموم
طيب مين شتم
ومين قال انا مشـــتوم ..؟
الصراحه بقت عدم
وصوتها إتخمد في البدروم
والطبل بقي نغم
وخيال علي الشجر معدوم
كم مره قلت نعم
لقيت كلامي غير مفهوم
شربوني كاس الهم
وكرموني بوسام الهموم
دي اخرة اللي إتظلم
ما يدوقش سلطان النوم
وممكن كمان يتعدم
ويبقي فرجة كل يــــــوم
...........................................................................
............. إحساس الشاعر /حسن الشوان ............
ليست هناك تعليقات:
إرسال تعليق