قصيده شويه رحمه للشاعر فهد النحراوى

،،،،،،شوية رحمه،،،،،،،،،،،،،

ندهتلي وطلبت نتخانق
تعبان خليها بكره
وكلامي دمها قال حارق 
مطلوبه خناقه وبسرعه

طاب اعرف ايه بس عملته
ومزاجك ليه بس اتعكر
ملحتي السكر كررته
لميت النكد المتبعتر

ومنايا يوم بس سعاده
احلامي ولازم انساها
وتفائل عارف بزياده
معلش انا جاهل معناها

اتفضلي عليّ بقا صوتك
وجيرنا تسمع وتعلق
وكفايه اتهنى بسكوتك
ولسانك عارف هيفلق

رقعت بالصوت الحياني
واتاري الهانم زهقانه
وتصدع راسي الوجعاني
فسحني زياره لبهانه

وبهانه خالتها المقصوده
ساعتين مرين ف الزحمه
والخاله الحاله منحوسه
تعبان ارجوكي فين الرحمه

بقلم فهدالنحراوي

ياباشا جاهز من ساعتين

مش تقولي ابوكي رايح معانا