اكتب ايه شحات عثمان

اكتب ايه واقول ايه
الحلوة مش عاجبها الحال
وغنيت لها
بدل الموال الف موال
سهرت الليل
وغزلت عشانها ورق الاشجار
وكنت احسب ليها
آثار الاقدام علي ذرات الرمال
وقطرات امواج البحار
وانتظر طلوع فجر النهار
وأقول هترضي
وترجع تنور ليالي الاحزان
اتاريها سايقة علينا الدلال
ولا شايفة من البشر إنسان
طيب اعمل ايه يا سيدي البيه؟
انساها واقول فارقينا
ولا اصبر واقول
يمكن في يوم تراضينا
ولا اقولك يا سيدي البيه
خليها في اوهامها
ويمكن احلامها تزور ليالينا
تعبت يا سيدي البيه
واخرة تعبنا حمرة مآقينا
ويمكن من الولة
دار النفسية يبقي سكن لينا