قصيده امتى ياعرب للشاعر فتحى وجيه

..... امتي ياعرب .......

امتي بقا ياعرب . هنصحي ونصحصح ..
الناس زادها الهنا . وزادنا مر ومملح ..
فين زمان ياعرب . لما كنا للعالم سيدين ..
كنا نقول الكلمه . والعالم ورانا . امييين ..
من يوم الفتح الاسلامي . ولزمن صلاح الدين ..
وكنا للعلوم والفنون . احنا المخترعين ..
ولما فاض الخيرعندنا . كنا للطير نرميه ..
كنا احنا الاصل . وهما لنا تابعين ..
فاكرين ياعرب . لما هزمنا الفرس والرومان ..
وفتحنا اوربا . ومشينا لحدود الاسبان ..
دلوقتي ليه ياعرب . بنطلب الاحسان ..
ونشمت فينا العدا . ونشمت كل جبان ..
وصوت المدفع هو . اللي عندنا بيتكلم ..
والاخ يقتل اخوه . من غير مايتآلم ..
وولادنا يدفعوا التمن. في مراكب موت سايره ..
في عرض البحر تمشي . وع الشطوط دايره ..
والشاب يركب ويقول . في كل الحالات انا ميت ..
يااسافر واشوف الهنا . يا في بلدي هنا ميت ..
ماانتوا اللي وصلتونا . نركب ونخاطر ..
من يوم مابعتونا للمنصب . اصل الكرسي ده شاطر..
اللي يركبوا . دايما يدوب في هواه ..
ويحلف ما يسيبو . ولو هيموت فداه ..
دور يازمن كمان . بينا ..
وفوق رؤسنا . وادينا ..
ما احنا اللي عودناهم ..
يبيعوا في ناسنا واهالينا .
امتي بقا ياعرب . هنصحي ونصحصح ..
الناس زادها الهنا . وزادنا ليه مر ومملح
فتحي وجيه ....