( خاطره ) سامح ايليا....

في لحظة صفا
وليله دفا
كنت أنا وإبن عمي
وجارنا أبو الوفا
حكينا وروينا
ع الميه والجنينه
وعن عم حربي
حرامي المدينه
وإزاي كان بيسرق
ومين كان بيحرق
وإيه الحكايه
دا واحد بيغرق
جرينا بسرعه
وقلنا للكل يوعى
يا عالم كفايه
دي أكله ومرعى
على كل حال
عمال أو بطال
الكل شايف إنه
معندوش إهمال
مات الضمير وخلاص
ومبقاش عندنا إحساس
إيه يعني بلد هتخرب
ما دمت إنى أعلى الناس
الله عليك يا وطن
لما تعدي م المحن
تعلى وتكبر وتدوس ع الشجن
حلوه المحبه يا بشر
نبص شويه بالبصر
ونفكر بعقول صافيه
هنلاقي إللي حاصل
بعيد عن فعل القدر
نفهم بقى ، نفهم يا بشر ،،،