****نسيجى من رملة وطين بلدنا****د\محمدحسن

بحب بلادى
نسيجى مـ رمله وطين ومية نيل
سواعدى بتزرع
لونى قمحى وخصر نحيل
اعرف بلدنا
وبلدنا عارفه ولاد ولادنا ولا بتميل
على كل شبر مكتوب اسمينا
وحماينه حمل تقيل
مصر ميمك منصورة
والصاد صبر باين فى الصورة
والراء روحى فيكى مربوطة
بحب بلادى مهما تكون
وأن زادت ماية الف مليون
وان تلونت بمليون لون
أنا فيها شرفى مصون
كلامى حق مش جنون
فلاح تحت شجر الليمون
بياكل فجل وبصل وزيتون
جلبيته مخلوطه بطين
طين بلدنا يا مصريين
قوله سبها يقول أروح فين
نبت فيها وحصادى جوه الطين
ورجل عجوز فى التمانين
معه حفيده للغيط رايحين
دهره متنىى يحب الطين
شايف العز مع الفدادين
متعوضوش عنها الملايين