.......... إلا موالى....إسلام عامر

مواويل الناس اتقالت إلا موالى
عشاق يا ناس الدنيا
والدنيا ظلمانى
اجيب منين الصبر
وفين راحة بالى
من بعد أمى وأبويا
تاهت كل آمالى
ادانى رب كريم كل شئ غالى
لحفظت يوم على النعمه
ولا صنت انا مالى
ومشيت فى السكه الغلط
وانشغل بالى
من كتر شرب الكيف
ببكى على حالى
لدقت طعم الدنيا
والعمر عدانى
يا سامع الموال اسمع حاقول تانى
لاتمشى يوم سكتى
ولا تبكى على حالى
بصرخ وأقول الآه وأصرخ
وأقول مالى
ضاعت انا صحتى وضاع كمان مالى
و بقلمى و ببصمتى أكتب
حاقول تانى مواويل الناس اتقالت
........... إلا موالى............