بسألك مين اللى ذاد...
الجرح فيكي بيألمك
طال السكات والجرح ناذف ع الحدود
وانا روحي ليكى بتعشقك وبسألك
هو الشروق مش ناوي يرجع للحدود
ولّلا نهار الشمس لسه بيرفضك
قلبي الحزين باكي بأنين
وحبر الّمي بيكتبك
سجل هنا اكتب هنا
رافض انا دمعه فى عينك تجرحك
رافض اعيش واحد وميّت ع الحدود
فيكى وبموت ومين حبيبتى موّتك
مين اللى جاب الليل وساكن دمعتك
مين البرئ فيكى ومين
باع الضمير حارق بناره جنّتك
مش هى دي يا مصر هى ضحكتك
رافض ورافض انى اشوف
الحزن باكي ف خطوتك
والفجر ودّع كل شئ مات الربيع
والجرح ناذف والربيع راحل ودبلت وردتك
صرخة اهات من قلبي تصرخ م الالم
يا حبيبتي ليكى بعشقك
اكتب وسطّر ع السطور
قصة تتار قصة مغول
قصة عجم ده المصري مصري
مهما ذاد بيه الالم حمل الجبل
لا بينكسر ولا يتقسم كتب التاريخ
بحروفها لسه والزمن حاكى يا بلدى
الشعب اسمه فى التاريخ
وده شعب مصري وأد التحدي
حالف يابلدى انى واقف ع الحدود
لو حتى اموت لكن ماشوفشي
اى حد يألمك او يجرحك
حالف يابلدي بروح قويه انى اكون
واحد وعاشق ضحكتك
يا حبيبتي لسه قلبي ليكى عاشق
و لسه قلبي بيعشقك
**********************
بقلم الشاعر المصري / احمد ابراهيم
**********************
بقلم الشاعر المصري / احمد ابراهيم
ليست هناك تعليقات:
إرسال تعليق