..... القهاوي بقلمي : عصام الباز

ياللي إنت غاوي
سهر القهاوي
حذاري منها لأن هي
سبب البلاوي
غربان يوماتي فيها
تألف وتقول حكاوي
إل عاملك طبيب مداوي
تلاقيه في الأصل حاوي
واحد صوته رافعلك
وجيبه فاضي وخاوي
ملاك لو تسمع كلامه
لكنه لإبليس مخاوي
تقول عليه نبي زمانه
بس حقيقته ذئب عاوي
تضحك في وشه
ترفض كمان تغشه
وتلاقيه لبوزه لاوي
تسعى لصالحه
تشوف مصالحه
قلبه إسود للغدر ناوي
ربنا يعافينا من القهاوي