@@@إصرخ يا قلبي@@@ تحياتي وليد النميري

إصرخ يا قلبي بصوت مسموع@
إصرخ وقول إنك موجوع@
لياليك مابتنورهاش شموع@
خطاطريقك مالهاش رجوع@
حزني إتنقش فيك عالضلوع@
@إصرخ يا قلبي بصوت مسموع@
إصرخ وسمع كل الكون@
يكشي يقولوا عليك مجنون@
حبك ده كله إزاي بيهون@
وإزاي تطير وإنت مسجون@
@إصرخ ياقلبي بصوت مسموع@
إزاي تعيش كدهوه وحداني@
ويدوب إبتسامك جوه أحزاني@
شوقك بقي دم في شرياني@
حبك خلاص لخبطلي كياني@
@إصرخ يا قلبي بصوت مسموع@
ليه تاني عايزنا نحب ياقلبي@
طب قولي مين هيقدر حبي@
أنا تعبت معاك أه يا غلبي@
الحب ذنب وأنا حبيت ذنبي@
@إصرخ ياقلبي بصوت مسموع@
إصرخ ونادي علي الأحباب@
اللي مشتريني يدق الباب@
وإوعاك تعيش أمل كداب@
مش حمل تاني ألم وعذاب@
@إصرخ يا قلبي بصوت مسموع@
إصرخ وقول محتاج لشريك@
يعشق حنانك ويدوب فيك@
يمحي همومك ويا ماضيك@
يمسح دموعك وبحبه يهنيك@
@إصرخ يا قلبي بصوت مسموع@
إصرخ ياقلبي وقوله تعالي@
قوله إن روحك ليه مياله@
قوله إن الوحدة كده قتاله@
طب هنلاقيه ولا ديه حاله@
@فينك يا حب واحشنا تعالي@