حوار شعري غنائي يحاكي قصة جدل بين الحماة والكنة بخصوص تكسير جرة الماء
...................اغنية جميلة جدا...................
الله يستر هالمرة....وما حدا يطلع برة
ع الحماي وكنتها....ضربوا بعضهم ع الجرة
الكنة..
حماتي شو بتريدي...وقعت وانكسرت من ايدي
وبتريدي حق الجرة....حقها ما هو بأيدي
الحماة..
والله ما بريد حقها...لا وعيونك تتبقى
والله لأزقك زقة....وأربيكي من جديدي
الكنة..
والله ما فيكي تربيني...إلي اهل يربوني
شو صارلك يا مسكينة..طاروا عقلاتك من مرة
الحماة..
طاير عقلي من راسي...من كلامك هالقاسي
ولو بستحي من الناسي..ما بتعودي تتماري
الكنة..
بتمارى وبشوف حالي..لو طعمتوني نخالي
ويلعن ابو المصاري...ما دام العيشة مرة
الحماة..
يا بنيي روح طلقها..عندي جنينة بضمنها
الأبن
يا ماما لتزيدي كلام...هيه زينة النسوان
لما بشوفها وبنام...بتسوى طيور الجنة
ليست هناك تعليقات:
إرسال تعليق