ومش راح اقول ..... بقلم الشاعره علا قنديل

ومش راح اقول ..
عشان متدارى احساسى
ورا حروفى مابتكلمش
ولا يهمش
وما بتفرقش 
يقولوا جريئة وان قالوا
دي صابها جنان
يقولوا بريئة او حتى
ساحرها الجان
يقولوا انى هيمانه
يقولوا فى شوقها غرقانه
مابهتمش ولا ركزش
عشان احساسي جوايا
مجرد همس
ماهو انت اليوم مع بكرة
وانت الأمس
وانت كل شيء ليا
وضي العين
وجوا العين .. باشيل طيفك
يا عمري وبقفل الرمشين
وحبك اغلى شيء عندي
بقاله سنين
نصيبي وقسمتي وقدري
واملي ودنيتي وعمري
ومين غيرك بقلبي يحس
واخاف يحسدونى عشان
عشقني ملاك لكن اصله
بشر م الأنس .

علا قنديل