( جاوبني )بقلمي : عصام الباز

( جاوبني )
قول وجاوبني
يا مغلبني
لسة شاريني ?
وللا
ناوي تسيبني ?

قول وجاوبني
يا مدوبني
بيعت خلاص ?
وللا بقلبك
لسة كاتبني ?
قول وجاوبني
يا مشيبني
عينيك بايعاني ?
وللا بنظرة تجيبني ?
قول وجاوبني
إن كنت حاببني
هتسعدني معاك ?
وللا المر هتشربني ?
قول وجاوبني
ياللي مكسل تبني
شايفني إنسانة ?
وللا أنا شقة وهتشطبني ?
قول وجاوبني
يا معصبني
مالك مالي ?
وللا
وصل أمانة هتكتبني ?
يا خسارة عليك
انصدمت أنا فيك
جدران الكره بإيديك تبني