رباعيات (جابرسليمان)

عاتب اللي تحبه وبس
واللي بزعلك بس يحس
أما التاني اللي بيتحور
كل الحقد في قلبه اندس
-------------------------
قالوا الصاحب فعلاً ساحب
زي الطير في السما يتقارب
كل حكاوي الناس بتقولك
ابعد عن بلطجي ومشاغب
-----------------------------
كان فيه واحد اسمه ألاطه
كل أموره هبل وعباطه
زي القرد أما بيتنطط
لما يشوف الموز في سباطه
------------------------------
عمر التين ما بينضح خلّ
ولاّ الصبر بيطرح فلّ
كله بيظهر ما بيتستر
زي الشمس بتخفي الضل
--------------------------------
عايز تعرف مين بيحبك
وبيتمني يعيش يوم جنبك
اللي بيسأل دايمًا عنك
واللي بيحلم يسكن قلبك