دنية ايه دنيا البدع
فيها نفوس ضعيفه
فيها مظاهر خدع
بنشوفها بصورة تانية
وهيه دنيا
مهزوزة زايلة فانية
بتفرق الغاليين فيها
وتعيش معانا الذكرى
توجعنا وتألمنا فى لياليها
دنية ايه
الخير فيها دايما خافي
والشر فيها كتير كافي
كل جيل من بعد جيل
ومفيش اخلاص
ولا حب وافى
دنية ايه
فيها الكبير بكلمته
يؤمر ويحكم بقسوته
إنسان غرور بدنيته
وله اعداء كتير فيها
فيها الفقير على طول
متهان
تايه حزين مالوش
عنوان
تنذل دموعه كتير
عشان
تحرق وتمسح فرحته
دنية ايه
فيها الكرامة بتختفي
فيها الضمير مش مكتفى
للمصلحة للمنصب للمال
تموت الكرامة يموت الضمير
تموت كل معاني
قيم الانسان
ويموت الاحساس
دنية ايه
دمعة عين على خدي
زارعت احزان كتير فيا
والحمل زاد على كتفي
كان شئ صعب اوي عليا
شلت الهموم انا من بدري
والكل كان جارح فيا
والسهم صاب خلاص قلبي
والشوك مزروع
من حواليا
دنية ايه
دنيا البدع
فيها نفوس ضعيفه
فيها مظاهر خدع
دنية ايه ★ دنية ايه
________________________________________________________________________
الشاعر / إسلام السيد حسن السيد سالم عامر
اوجاع مملكة الاحزان
إسلام عامر
ليست هناك تعليقات:
إرسال تعليق