اوعاك يا بنى والسياسة
لحسن تفكر يوم ،او تخدك الحماسة
وتلاقى عقلك باعوه فى سوق النخاسة
اوعاك يابنى،ده الغلابة اخرتهم الكناسة
عرفاك ياولدى،نفسك تبئى امير،وهو احنا فين والرئاسة
هتنسانا وتبيعنا فى يوم بمنتهى السلاسة
عارفة احلامك واسعة ، والدنيا فسحة، واخرتها تداس بالمداسة
يا امى ارحمينى من دنيا متفصلة ، ولا مساسة
واتحرم علية افكر وكانها من القداسة
اكيد يا امى طبعك حامى ،وخايفة علية حقك
لكن متهبطيش فية الحلم وتقولى اوعاك من الدساسة
دنيتك رايحة ،واللى جاى حقى لو بالغلاسة
الزمن غير وبيطحن فى الغلابة لان ملهمش عازه
ومش ناوى اكون لقمة منداسة
على عينى يا امى والنصيحة فى القلب ماسة
بتقول ايه يا ولدى
اوعى تكون فاكر هيعينوك فى ناسة
او تزاحم راس براس تبقى دى اكبر انتكاسة
فوج يا ولد
يا للى وخداك الدنيا
بكرة تصدق قلب امك والفراسة
وتعرف مين هم رجال السياسة
ليست هناك تعليقات:
إرسال تعليق