* بلاش..ياخدك غرورك.. بقلم الشاعر // ابراهيم رضوان

من ديواني الجديد عن الشخص الآخر
قاللي
* بلاش..ياخدك غرورك..
دون ما تدري..محطته
ترتاح تماما..
لو تنام فى فرشته
تصبح حكيم..فى ورشته
يدبح عشانك وزته..مع بطته
تشبع بروحك ..من منصه مزيفه
فاكر فى يوم..
ما همست ليها بأنك انت بسيط..
و قالت لك..
لا يمكن تبقى غير..
حاسس بانك اعلى..
من كل اللى جنبك فى الاماكن كلها
و سالتها..
إيه السبب ؟
كان ردها
ايوه لانك كل مره..
بترفض الندوه اللى مش ها تكون..
رئيس على كلهم *

**حقى **
* لا يمكن يبقى حقك..
أعلى من حق الجميع *
**فيه حد كان واهب حياته للورق..
غيرى أنا ؟
فيه حد عمره ما زال فى ضيقه..
بينحرق..
غيرى انا ؟
فيه حد شال..
أمه الحبيبه المؤمنه..
غيرى انا ؟**
* أهو ده..غرور *
** طيب خلاص..
أنا م النهارده يا صاحبى..
مش محتاج شهاده..
لأن اى شهاده..تشهد غن انا مغرور..
ها تبقى شهاده زور