برة الجدول ،،، بقلم الشاعر حسين الديب ،،،

إمسك ورقة وسطر جدول
و إكتب إسم حبايبك فيه ،،،
و إللي يخونك منهم مرة
إمسح إسمه
وبرة الجدول روح و إرميه ،،،
و إللي هيفضل منهم إوعى
إنك مرة تفرط فيه ،،،
و إبقى في آخر اليوم إحسبهم
شوف يفضلك منهم إيه ،،،
أصل الخاين مرة يخونك
ألف و يسأل خونت في إيه ،،،
و إللي يحبك عمره في مرة
ما يغدر مهما ضغطت عليه ،،،
ف إللي يحبك مهما هيحصل
إوعى في مرة تفرط فيه ،،،
و إللي يخونك إعرف إسمه
وبرة الجدول روح و إرميه ،