*******
إسمعى منى يابنت الناس
واللى ح اقوله ح يبقى أساس
لمحبتنا ونبدا حياتنا
بسم الله وعلى الإخلاص
إسمعى منى يابنت الناس
مهما ح يحصل بينى وبينك
إوعى تبوحى بسر البيت
خليه ساكن جوه ضلوعك
زى ماقالوا فى بحر غويط
وان يوم جانا شيطان زعلنا
وقدر مرة يوسوس بينا
نقرا كتاب الله نتعوذ
من شر الوسواس
إسمعى منى يابنت الناس
ربى ولادك وازرعى فيهم
حب الخير والعفة إزاى
حبى بناتك حبى أبوهم
يطلعوا جيل بالحب غناى
دارنا تدوم بالعشرة الغالية
حب وود وأخلاق عالية
وان كان بيتنا سليم ومتين
يعلى ما دام بنيناله أساس
إسمعى منى يابنت الناس
إن جيت مرة سافرت وسيبتك
إقفلى بابك بالترباس
ما تخليش حد يجيب سيرتك
ولا يشكك فيكى الناس
خلى جبينى ما بينهم عالى
يفضل شرفى وشرفك غالى
دانت حلالى وجوهرة غالية
ما انتيش فالصو ولا انت نحاس
إسمعى منى يابنت الناس
#محمود #كامل #مصطفي
ليست هناك تعليقات:
إرسال تعليق