عمره ما كان ماضي ،،، بقلم الشاعر حسين الديب ،،،

دايما أنا بفتكرك
مع كل صلاة و آذان ،،،

و بكون سامع صوتك
في تلاوة القرآن ،،،
وبشوفك عايش بينا
بالظبط زي زمان ،،،
بتهني كل ولادك
برؤية هلال رمضان ،،،
--------
لسة المكان موجود
بس المكان فاضي ،،،
أصبح وجودك ذكرى
و الغيبة مش عادي ،،،
وما دام دا حكم القدر
أنا بالقدر راضي ،،،
بس إنت بالنسبة لي
مش عايزك تكون ماضي ،،،
-------
عاوزك تكون موجود
مابينا زي زمان ،،،
عاوزك تكون حاضر
بالفكر و الوجدان ،،،
عاوزك تكون لي إمام
في كل صلاة و آذان ،،،
عاوزك تعلمني
مخارج القرآن ،،،
و عاوزك تهنيني
برؤية هلال رمضان ،،،
--------
و ما دام مكانك بينا
أصبح خلاص فاضي ،،،
وما دام دا حكم القدر
و أنا بالقدر راضي ،،،
لكني يا حبيبي بقولك
مهما تغيب عني ،،،
بردو إنت بالنسبة لي
مش هتبقى في يوم ماضي ،،،