اه ياسوسه شعر: محمد عبد القوى حسن

اه ياسوسه يامجوسه
ياللى عامله ف مخى هوسه
اطلعى من بين حاراتى
بره . مايغرك سكاتى
داللى شايلولك ف قلبى
من ميﻻدى ولمماتى
كره جامد .. 
انت ناسيه وانا فاكر
انت قاسيه بقلب ناكر
وجه اعمى بفكر ماكر
مين اللى زاحك علينا
جيتى حطيتى بوادينا
مين رماك يابﻻك
مين على النيران شواك
مهما عليتى ف جداراك
راح نطولك
مهما وسعتى ف مدارك
عم قولك
راح نسودلك نهارك
غزل نولك
مهما صوتك دوى فى الوديان وصال
مهما مديتى لكل الجاحدين حبل الوصال
مهما دثيتى ف سمومك بين غموسى
مش هاموت 
انا قادم وانت راجعه
انا صادم وانت مايعه
انا صاحب حق
وانت بنت كلب صايعه
ارضى احسن ارض
وانت سالبه وناهبه جايعه
انا لو عرفت بس مقدار نفسى قدام نفسى من غير غش لنفسى
مايكون ليك اصﻻ بين ديارى سلعه
مهما سوسه بين جدارى تحب تنخل
بدى ﻻزم راح تطولها 
فاطمأنى جدا قد ماتطمأنى
واقلقينى جدا روحى ضايعه منى
والسبب . مش منك انت 
انت يامغروره كنت او ماكنت 
ماف عمرك راح تكونى
السبب حبة خساسه بين ضلوعى
داخله جسمى غصب عنى 
هججتنى من حياتى 
مغصت على عيشتى
بس يامجوسه انت 
مهما ف عقولهم سكنتى
راح الملم ماتبقى من ضلوعى
وانفخك نفخه تضيعى
بكل ما اوتيتى من قوة ربوعى 
اللى ف امخاخهم نشرتى 
كل خبث وفسق رجس
راح يطيروا كمان معاك