يوم العيد ..... بقلم الشاعر / أحمد شاهين
- يوم العيد . بقلم \ أحمد شاهين
- وجانا العيد وانا عارف
- بإنه يومين وحيعدى
- بلبس جديد وبالونات
- إيشى أخضر إيشى وردى
- وزحمه وفُسحه وملاهى
- وكون لاهى
- زياره وضحكه وعيديه
- وأطفال رايحه أو جايه
- طقوس بنشوفها بين الناس
- بلا إحساس
- ويأس تحركه الانفاس
- صلاة العيد . نصليها
- ندور فى الدنيا بعديها
- ونستنى قرايبنا يجولنا
- أو نروح ليهم
- فى بالى وكنت ناسيهم
- ظروف الناس بتجبرهم
- على التوهه
- وتبقى الفرحه مشبوهه
- حرام نضحك بلا أسباب
- تكون عيبه
- بعيده الضحكه وقريبه
- فى يوم العيد
- ببُص لإبنى واستغرب
- ف عينه الفرحه بتقرب
- بيضحك . ضحكته ل ِسنه
- وناسى الدنيا . لكِنه
- بشوف أنا فيه زمان نفسى
- ياريتنى زيه كان نفِسى
- وكان العيد ف أيامنا
- غريب خاااالص
- براءه وضحكه من جوا
- القلوب خااالص
- وعشت العمر بستناه
- وعيدى . بس فين ألقاه؟
- دا معنى العيد
- قلوب بتحب بعضيها
- وأى حاجه ترضيها
- قلوب صافيه . نفوس
- زاهده من الدنيا
- عيون دافيه
- بتنسى الكُره وف ثانيه
- وكنا زمان بنفرح
- لو باى هدوم
- وكات بتليق
- وكان القلب حُر طليق
- ونخلص أه .لاى صديق
- كمان حاسين بأهالينا
- وأى حاجه ترضينا
- زمان العيد ف نظرى
- كااان
- شموع بتقيد ف كل مكان
- معانى واضحه للجيره
- ورمز البر والإحسان
- وجانى العيد وزاد سنى
- نسيت الفرحه . لكنى
- بكون مشتاق
- ليوم العيد
- #عاشق_الكلمات
- #أحمد شاهين
- 5 \ 7 \ 2016
ليست هناك تعليقات:
إرسال تعليق