ءءءءء
ياحبيبتى ياام مينا
يارزينه ياأمينة
طلتك ع البحر الأبيض
خلته يحس بسكينه
رافعه حوضه وشب عوده
مابين إيديكى يامتينه
نيلك الأسمر بعت له
ميته لما وصل له
وف عذوبه راح يقول له
بلغ العطشان يجينا
بالهنا يشرب معانا
جمعى كل الحبايب
اللى حاضر واللى غايب
واللى عدى عليكى برضه
زى نوح فوق السفينه
وأفردى فلوعك
تمللى ما تخافيش
م الموج يدلى
مركبك ف أى مينا
ما إنتى بكره تعودى لينا
مصر ياأجمل مدينة
ياحروف معانيها حلوة
كل حرف لوحده غنوة
ربنا حارسك وصاينك
ياعظيمه ياحنونة
يسلم البنا اللى بانى
ده اللى بانى حلوانى
أكرمك ربك بذكرك
فى الكتاب اللى هادينا
الجبل خاشع وصلى
لما رب الكون تجلى
والكليم آنس بناره
فى طوى الوادى بسينا
والمسيح فى حضن أمه
فى طريق آلام تضمه
شرفونا لما جونا
معجزات كبرى وقوية
العصاية بتبقى حية
وعيون موسى ندية
لسه باقية ذكرى لينا
أمنا هاجر شرفنا
والخليل بيها نصفنا
والسلاله الطاهرة ضمت
إبراهيم كان أخ لينا
والمعون أم البرية
ستنا الغالية ماريا
ارسلت علشان محمد
والرسول قبل الهدية
أولياء الله جميعا
شرفوكى ياحبيبتى
كل ده عزه وكرامة
من رضا ربك علينا
باحبيبتى ياام مينا
#محمود #كامل #مصطفى
ليست هناك تعليقات:
إرسال تعليق