************
مش كلامك أو كلامي
حظنا نمشي ف طريق
اول خطوته سفينه
فيها رحلة واغتراب
فيها قسوة من الليالي
فيها وحده واكتئاب
فيها كوم من ذكريات
عشنا فيها
ومتنا فيها
واتسجنا بالسكات
كنا نحلم كل ليلة
حلمنا كان ع الرمال
كل موجه تهد حته
وتمحي حته من الخيال
عشنا حب ما حد عرفه
بس سعادتنا محال
فيها حاجه ناقصه منها
والحياه مفيهاش كمال
قلنا نهرب م المواجع
نمسك النجم اللي ساطع
نفرح الفرحه اللي هيه
وننسي وياها الأسيه
واللي مكتوب صفحه جايه
برضو هنعيشها بجلال
م احنا عاوزينها حلال
مش أونطة أو شمال
حبنا لو حق صادق
بكره يتحدي الجبال
يضرب بينا المثل
في البلايا والنضال
وبرضو تحضنا الآمال
بقلم / إبراهيم فهمي المحامي
11/7/2016
ليست هناك تعليقات:
إرسال تعليق