اوهام ...بقلم / حاتم صلاح

سألت نفسى عن الحقيقة
سألت احلامى البريئة
لقيتنى انا المخدوع
حبك ابدا ما كان
كلامك مش ضمان
صوتى مش مسموع
اوهام كان غرامى
حلم مر بمنامى
فية الدوام ممنوع
متكشفة كل الحقايق
تقيل زمن الدقايق
ماضى مالوش رجوع
انا مش بحاسبك
ولا بلوم حتى قلبك
رغم ان انا الموجوع
لكنى بحاسب ذاتى
اكتم فى الصراخ اهاتى
احبس حتى الدموع
بعدها مش هتلاقينى
لان اصبح يقينى
طفت ليكى شموع
دة مش وداع لكنة
اخر ماليك منة
نهاية الموضوع