حاجة غريبة بقلم ...محمد الشاعر

فيكِ حاجة غريبة تجذب
يمكن يكون سحر عينيكِ
وعمر العيون ابدًا ماتكدب
فيكِ حاجة بجد تحير
أي شاعر لو حب يكتب
فيكِ حاجة بجد تجذب
لأ .. مش بس عينيكِ
دانتِ كل حاجة فيكِ
مين ح يقدر للحسن يوصف
ويوصف أيه وألا أيه وألا أيه
دانتِ مرسومة بايدين رسام
يعني العيون
 وألا  الشفايف
 وألا القوام
حاجة مايوصفهاش أي كلام
حاجة كده من وحي الخيال
أو م اللي بتيجي في الأحلام
أنتِ حالة نادرة في الوجود
أي حد جنب منك
مالهوش وجود
دانتِ اجمل وردة
جوه بساتين الورود
فيكِ جمال فوق الخيال
عدا الحدود
أنتِ اللي فيكِ اجتمع الحسن
الروح والشكل والعود
والورد فيكِ طرح فوق الخدود
والشفايف حبات عنب 
مقطوفة من عنقود
يعني السحر فيكِ 
مش بس في عينيكِ
دا كل حاجة فيكِ
جمالها غير محدود