عملت صوت ..الهام شرف

الفزاعة عملت صوت
لاء مش صوتها دا صوت الموت
صوت بيجلجل جوه ودانا
والسميعة يقولوا كتكوت
عيش الحاضر عيش الماضي 
احنا مصيرنا ف ايد عشماوى
حبل محبة وحبل غناوي
وحبل يطاطي يقول هتموت
سافر مرة في الطيارة
وعلت بيه على غير العادة
بقى بيكاكي زي البطة
قال لزمايله بتضحكوا ليه
كنتوا ف يوم نفس مكاني
بكرة هييجي اليوم واتعود
وابقى خصيمكم يوم والتاني
حبة هوا رايحين جايين
كل الناس بقوا ساكتين
الا أبوهم طلع صوت
أنا مش خايف حد الموت
لكن خوفي إني أسيبكم
مش هتلاقوا اللي يسليكم
يلا نصلي نقول بسم الله
وهتفرج على غير العادة
سمعوا كلامة كمان بزيادة
ضحكوا وقالوا 
إنت الحق على غير العادة