عم مراكبى للشاعره د / نهاد ابراهيـــــــم

عم مراكبى

فى ساعة مغربية
والليل بيشاور عقله
خدتلى مركب فى الميّة
من مدة وانا مشتاقله

وسألت يا عم مراكبى
مال صوتك قلبه حزين
قاللى جرابى مترصص
مليان حكايات عاشقين

اللى إيديهم متاخدة
وقلوبهم فرحانين
واللى يقضّوها مناهدة
خايفين ومش خايفين
واللى بيفضلوا ساكتين
ولا تعرف متخاصمين
وكفاية عليهم خالص
إن الاتنين فاهمين

أصل انا مش أى مراكبى
مجدافى ف إيدى بيسمعنى
والطير بيغنّى يمتّعنى
وقلوعى فاردها على كتافى
والموج والنسمة حراسى
لكن جوايا حزين
دا انا ياما داويت عاشقين
ولا حدّش فكر يسألنى
إنت.. بتحب مين؟!!

**********************
بقلم/ د. نهاد إبراهيم

من ديوان شكلى مش زى الصورة