ناس و...ناس..شعر عامية ...الهام شرف

وناس الحلم جواها كأنه مافيش
وناس تمسك دليل على ناس لكن تشويش
خلاص الدنيا صبحت وهم
وانا عايش كإني ماليش
أنا هنسى أكيد نفسي
مرايتي راح تكون في النيش
هتترص الحقايق رص
ويعكسهالي صوت درويش.

وناس ماشية في قلب التوهة والعتمة
بتتوشوش على إمتى سكون الريح
عشان تهدى ضمايرهم
وناس صاحية لكن بتنام خبايرهم
وجواهم عشم إبليس

و ناس تايهة بين الزحمة

بتحلم يبقى ليها ونيس

وناس صافية وفيها النية لون ابيض
وطيف لونه غسيل ومزهزه اﻷلوان
وناس فيها العيون تتدارى وسط كﻻم
وناس تقرا النفوس تقول جواها شفافة
عشان تهرب تلاقيها معاك في كل مكان
لكن مش عاوزه منك شئ غير اﻹخلاص

وناس تتدارى في الزفة ما تسمع حد
عنادهم يوصلك بيهم لسابع أرض
وإحساسهم من الخسه هتقرا عليه سبع آيات
ورحمة ربنا تنزل سبع سماوات
لكن في قلوبهم القسوه ومالهاش قد
يعيشوا عاللي فات

 واﻵت يضيع دايما من الحسابات