مسلسل / قسمة على إتنين
قصة وسيناريو وحوار / نهى على طه
الحلقة الرابعة
مشهد (1) نهار خارجى / فلاش باك
لافته مكتوب عليها / مدرسة الفتاة المثالية الثانوية بنات
بوابة المدرسة الكبيرة مفتوحة على مصراعيها
الفتيات يخرجن مهرولات وسماع أصوات صرخات وصياح
زلزال ...... المدرسة بتهد إجروا
الفتيات يتزاحمن على بعضهن البعض فى هستيريا وخوف
فروالة فتاه فى السابعة عشره وبجانبها سها فى نفس العمر تركضا
فتاة بدينة تضرب بمرفقها دون شعور منها فرواله كى تجرى خارج المدرسة
فروالة تسقط على الأرض وتكاد الفتيات يدوسن عليها ... سها تتجه ناحية صديقتها وتحاول شدها لتنهض
سها تجرى وهى تمسك فروالة وعلامات الذعر عليهما
نظرات الناس والخوف وبعض النساء يصرخن :
القيامة قامت ولا إيه البيوت بتقع سترك .... سترك يارب
ـــــــــــــ قطع ـــــــــــــــ
مشهد (2) نهار خارجى / فلاش باك
داخل حارة الفرغلى
سها تسرع داخل الحارة ومعها فرواله
فروالة تشاهد سيارات الإسعاف والمطافى وحالة من الفوضى وتكدس الناس
فروالة فى تساؤل لأحد الجيرة فى خوف :
عم متولى إيه إللى حصل حد جصله حاجة أمى ماتت
الرجل ينظر لها فى هذيان وعدم وعى :
البيت عندكم موقعش أمك لسه عايشة بيت مراد الشيمى هو إللى وقع وكلهم راحوا لا حول ولا قوة إلا بالله العلى العظيم الله يرحمهم البيت كان قديم
سها تلقى بحقيبة المدرسة على الأرض وتنظرللرجل فى ذهول وعدم تصديق
سها تصرخ بكل قوتها من مرارة وإنهيار وتسرع ناحية البيت المنهدم وهى تصرخ بعويل :
أمى ... أمى ... أبويااااا شادى ... أيمن
إنتوا فين ردوا عليا ... أمى
الرجال يحاولوا منعها والنساء
المهندس فؤاد وهو رجل فى الخامسة والثلاثين من العمر يحاول جذبها بعيدا وهى منهارة ويشدها برفق وحزن :
بس يا سها .. إهدى يا سها
سها تنظر لوجهه والدموع تغزو عينيها وتتلاشى الرؤية وتسقط فاقدة الوعى
فروالة تركض ناحيتها وتصرخ فى خوف :
سها ... ردى عليا إسعاف يا ناس
ــــــــــــ قطع ــــــــــــ
مشهد (3) نهار داخلى / فلاش باك
منزل المهندس / فؤاد / الصالة
مروة أخت فؤاد وصديقة فروالة وسها جالسة مع فروالة على كنبة الصالون المدهب القديم
فروالة فى نبرة حزن شديدة :
سها بتضيع من يوم الزلزال وموت أهلها ومرواحها عند خالتها والحالة زفت على الأخر دى مبقتش سها يا مروة
دى بقت ....
فروالة تبكى صوت مزلاج الباب ينفتح
فؤاد يدخل ويلقى السلام فى أدب
مروة تتجه ناحيته وفى نبرة عادية :
وعليكم السلام يا أبيه
فؤاد فى صوت هادىء وهو ينظر لفروالة :
إزيكوا يا بنات .. أخبار والدتك إيه يافروالة ؟
فروالة فى نبرة حزينة جدا بها اليأس والتلقائية :
أمى إللى بتاب فيه بتصبح فيه يا أبيه فؤادالدكاتره قالوا الأمل ضعيف يعنى اليتم والوحده مكتوب عليا مكتوب وأنا مهيأه نفسى من زمااان على كدا
أبويا وأنا عيلة صغيرة وبعدها ستى وخالتى وختمت بأمى عيلة وفيات بعيد عنكم
فؤاد يتجه ناحية فروالة ويجلس على المقعد المجاور وفى نبرة حانية :
كلنا أهلك يا فروالة متيئسيش من رحمة ربنا أبدا
فروالة تمسك دموعها الحبيسة
فؤاد فى تساؤل وإهتمام شديد :
أخبار سها إيه يا فروالة مرتاحة عند خالتها ؟
فروالة تنظر لعينى فؤاد متفرسة وقد تأكدت من شكها وفى نبرة صدق :
حالها لا يسر عدو ولا حبيب سها بتموت ومش لاقيه إللى يمد إيده ليها يا باشمهندس
فؤاد فى قلق رغما عنه :
مالها
ــــــــــــ قطع ــــــــــــــ
مشهد (4) ليل داخلى / فلاش باك
منزل فؤاد / حجرة نوم الأم
والدة فؤاد إمرأة مسنة مريضة لكن ملامح وجهها تدل على الطيبة
جالسة نصف جلسه على السرير وأمامها يجلس فؤاد
والدة فؤاد تربت على كفه وفى نبرة حنان :
يا فؤاد قول ومتخبيش عيونك فضحاك إنت رايد سها
فؤاد يتنحنح وفى إرتباك :
يا أمى سها بنت جميلة ومؤدبة وعندها أخلاق أنا كنت بقول لنفسى إهتمامك بيها زى مروة أختك بس
والدة فؤاد تبتسم وفى نفس الحنان والتشجيع :
بس إيه ... متاخد ليه كدا إيه إللى يمنع يا بنى طالما بتحبها والشهادة لله سها تتحب دى إتولدت على إيدى وكلنا عارفين أهلها الله يرحمهم ربوها إزاى
فؤاد فى حيرة :
فرق السن بينا كبير بس أنا مش قادر أسكت بعد ما عرفت من فروالة إبن خالتها بيحاول يضايقها ويقل أدبه دا برضوا شاب وهى بنت صغيره
والدة فؤاد فى نبرة تشجيع :
الراجل يعيبة جيبة وإنت مهندس قد الدنيا وشغلك كويس وبعدين هى حتوافق سها بنت عاقلة صدقنى إتوكل على الله ونروح بكرة إن شاء الله لبيت خالتها
فؤاد فى إرتباك وفرحة :
بكرة على طول كدا
والدة فؤاد :
خير البر عاجله نسرع يا بنى قبل ما البيت يحصلها حاجة لا قدر الله سها كدا مش فى أمااان
فؤاد يهز رأسه ويصمت
ــــــــــــــ قطع ــــــــــــــ
مشهد (5) ليل داخلى / منزل خالة سها / المطبخ
سها فى حالة خوف تفتح درج الملاعق بقوة وبن خالتها يحاول منعها وتقبيلها رغما عنها
بن خالتها فى شهوة وجنون :
حتروحى منى فين إعقلى وخلينا حلوين أنا وإنتى أمى نايمة فى سابع نومه وأبويا مبيرجعش دلوقتى
سها تمسك سكينا حادا وتشهره أمام وجهه وهى تلهث خوفا لكنها تحاول التماسك والقوة :
سها فى شرر ودفاع عن نفسها وهى ترفع السكينة :
إبعد عنى لأحسن ودينى حجيب كرشك
بن خالتها يحاول الإقتراب :
جسد سها يرتعد لكنها تضغط على السكينة بقوة وتنظر لأى شىء حولها تمتد إليه يدها
سهاونظرة الشرر والتوعد والسكينة مصوبة لصدره
مبهزرش حشرحك إبعد عنى و.....
جرس الباب يدق وطرقات كثيرة وصوت الجارة :
أم فتحى ... أم فتحى
بن الخاله فى حالة توتر للحظات سها تمسك بسرعة طاسة ألومنيوم وتضربه فوق رأسه وتدفعه بعيدا عنها بن خالتها يتأوة ولكنه يحاول اللحاق بسها
سها تجرى ناحية الصالة والباب
ـــــــــــ قطع ـــــــــــــــ
مشهد (6) ليل داخلى / منزل خالة سها / حجرة الضيوف
مروة جالسة ومعها فروالة فى سرور ووالدة فؤاد وفؤاد وهو يتحدث إلى زوج خالتها :
عاوز شبكة وكتاب ودخله على طول
أنا جاهز وكل حاجة فى البيت وإللى هى عاوزاه حجيبه ليها
سها تأتى وهى تحمل صينية المشروبات وتقدم للضيوف بن خالتها يرمقها بغل سها تتجاهل نظرته
خالتها تبتسم فرحه وزوج خالتها فى سرور :
على بركة الله نقرأ الفاتحة
ـــــــــــــ قطع ـــــــــــــ
إللى اللقاء فى الحلقة القادمة
يتبع ................
قصة وسيناريو وحوار / نهى على طه
الحلقة الرابعة
مشهد (1) نهار خارجى / فلاش باك
لافته مكتوب عليها / مدرسة الفتاة المثالية الثانوية بنات
بوابة المدرسة الكبيرة مفتوحة على مصراعيها
الفتيات يخرجن مهرولات وسماع أصوات صرخات وصياح
زلزال ...... المدرسة بتهد إجروا
الفتيات يتزاحمن على بعضهن البعض فى هستيريا وخوف
فروالة فتاه فى السابعة عشره وبجانبها سها فى نفس العمر تركضا
فتاة بدينة تضرب بمرفقها دون شعور منها فرواله كى تجرى خارج المدرسة
فروالة تسقط على الأرض وتكاد الفتيات يدوسن عليها ... سها تتجه ناحية صديقتها وتحاول شدها لتنهض
سها تجرى وهى تمسك فروالة وعلامات الذعر عليهما
نظرات الناس والخوف وبعض النساء يصرخن :
القيامة قامت ولا إيه البيوت بتقع سترك .... سترك يارب
ـــــــــــــ قطع ـــــــــــــــ
مشهد (2) نهار خارجى / فلاش باك
داخل حارة الفرغلى
سها تسرع داخل الحارة ومعها فرواله
فروالة تشاهد سيارات الإسعاف والمطافى وحالة من الفوضى وتكدس الناس
فروالة فى تساؤل لأحد الجيرة فى خوف :
عم متولى إيه إللى حصل حد جصله حاجة أمى ماتت
الرجل ينظر لها فى هذيان وعدم وعى :
البيت عندكم موقعش أمك لسه عايشة بيت مراد الشيمى هو إللى وقع وكلهم راحوا لا حول ولا قوة إلا بالله العلى العظيم الله يرحمهم البيت كان قديم
سها تلقى بحقيبة المدرسة على الأرض وتنظرللرجل فى ذهول وعدم تصديق
سها تصرخ بكل قوتها من مرارة وإنهيار وتسرع ناحية البيت المنهدم وهى تصرخ بعويل :
أمى ... أمى ... أبويااااا شادى ... أيمن
إنتوا فين ردوا عليا ... أمى
الرجال يحاولوا منعها والنساء
المهندس فؤاد وهو رجل فى الخامسة والثلاثين من العمر يحاول جذبها بعيدا وهى منهارة ويشدها برفق وحزن :
بس يا سها .. إهدى يا سها
سها تنظر لوجهه والدموع تغزو عينيها وتتلاشى الرؤية وتسقط فاقدة الوعى
فروالة تركض ناحيتها وتصرخ فى خوف :
سها ... ردى عليا إسعاف يا ناس
ــــــــــــ قطع ــــــــــــ
مشهد (3) نهار داخلى / فلاش باك
منزل المهندس / فؤاد / الصالة
مروة أخت فؤاد وصديقة فروالة وسها جالسة مع فروالة على كنبة الصالون المدهب القديم
فروالة فى نبرة حزن شديدة :
سها بتضيع من يوم الزلزال وموت أهلها ومرواحها عند خالتها والحالة زفت على الأخر دى مبقتش سها يا مروة
دى بقت ....
فروالة تبكى صوت مزلاج الباب ينفتح
فؤاد يدخل ويلقى السلام فى أدب
مروة تتجه ناحيته وفى نبرة عادية :
وعليكم السلام يا أبيه
فؤاد فى صوت هادىء وهو ينظر لفروالة :
إزيكوا يا بنات .. أخبار والدتك إيه يافروالة ؟
فروالة فى نبرة حزينة جدا بها اليأس والتلقائية :
أمى إللى بتاب فيه بتصبح فيه يا أبيه فؤادالدكاتره قالوا الأمل ضعيف يعنى اليتم والوحده مكتوب عليا مكتوب وأنا مهيأه نفسى من زمااان على كدا
أبويا وأنا عيلة صغيرة وبعدها ستى وخالتى وختمت بأمى عيلة وفيات بعيد عنكم
فؤاد يتجه ناحية فروالة ويجلس على المقعد المجاور وفى نبرة حانية :
كلنا أهلك يا فروالة متيئسيش من رحمة ربنا أبدا
فروالة تمسك دموعها الحبيسة
فؤاد فى تساؤل وإهتمام شديد :
أخبار سها إيه يا فروالة مرتاحة عند خالتها ؟
فروالة تنظر لعينى فؤاد متفرسة وقد تأكدت من شكها وفى نبرة صدق :
حالها لا يسر عدو ولا حبيب سها بتموت ومش لاقيه إللى يمد إيده ليها يا باشمهندس
فؤاد فى قلق رغما عنه :
مالها
ــــــــــــ قطع ــــــــــــــ
مشهد (4) ليل داخلى / فلاش باك
منزل فؤاد / حجرة نوم الأم
والدة فؤاد إمرأة مسنة مريضة لكن ملامح وجهها تدل على الطيبة
جالسة نصف جلسه على السرير وأمامها يجلس فؤاد
والدة فؤاد تربت على كفه وفى نبرة حنان :
يا فؤاد قول ومتخبيش عيونك فضحاك إنت رايد سها
فؤاد يتنحنح وفى إرتباك :
يا أمى سها بنت جميلة ومؤدبة وعندها أخلاق أنا كنت بقول لنفسى إهتمامك بيها زى مروة أختك بس
والدة فؤاد تبتسم وفى نفس الحنان والتشجيع :
بس إيه ... متاخد ليه كدا إيه إللى يمنع يا بنى طالما بتحبها والشهادة لله سها تتحب دى إتولدت على إيدى وكلنا عارفين أهلها الله يرحمهم ربوها إزاى
فؤاد فى حيرة :
فرق السن بينا كبير بس أنا مش قادر أسكت بعد ما عرفت من فروالة إبن خالتها بيحاول يضايقها ويقل أدبه دا برضوا شاب وهى بنت صغيره
والدة فؤاد فى نبرة تشجيع :
الراجل يعيبة جيبة وإنت مهندس قد الدنيا وشغلك كويس وبعدين هى حتوافق سها بنت عاقلة صدقنى إتوكل على الله ونروح بكرة إن شاء الله لبيت خالتها
فؤاد فى إرتباك وفرحة :
بكرة على طول كدا
والدة فؤاد :
خير البر عاجله نسرع يا بنى قبل ما البيت يحصلها حاجة لا قدر الله سها كدا مش فى أمااان
فؤاد يهز رأسه ويصمت
ــــــــــــــ قطع ــــــــــــــ
مشهد (5) ليل داخلى / منزل خالة سها / المطبخ
سها فى حالة خوف تفتح درج الملاعق بقوة وبن خالتها يحاول منعها وتقبيلها رغما عنها
بن خالتها فى شهوة وجنون :
حتروحى منى فين إعقلى وخلينا حلوين أنا وإنتى أمى نايمة فى سابع نومه وأبويا مبيرجعش دلوقتى
سها تمسك سكينا حادا وتشهره أمام وجهه وهى تلهث خوفا لكنها تحاول التماسك والقوة :
سها فى شرر ودفاع عن نفسها وهى ترفع السكينة :
إبعد عنى لأحسن ودينى حجيب كرشك
بن خالتها يحاول الإقتراب :
جسد سها يرتعد لكنها تضغط على السكينة بقوة وتنظر لأى شىء حولها تمتد إليه يدها
سهاونظرة الشرر والتوعد والسكينة مصوبة لصدره
مبهزرش حشرحك إبعد عنى و.....
جرس الباب يدق وطرقات كثيرة وصوت الجارة :
أم فتحى ... أم فتحى
بن الخاله فى حالة توتر للحظات سها تمسك بسرعة طاسة ألومنيوم وتضربه فوق رأسه وتدفعه بعيدا عنها بن خالتها يتأوة ولكنه يحاول اللحاق بسها
سها تجرى ناحية الصالة والباب
ـــــــــــ قطع ـــــــــــــــ
مشهد (6) ليل داخلى / منزل خالة سها / حجرة الضيوف
مروة جالسة ومعها فروالة فى سرور ووالدة فؤاد وفؤاد وهو يتحدث إلى زوج خالتها :
عاوز شبكة وكتاب ودخله على طول
أنا جاهز وكل حاجة فى البيت وإللى هى عاوزاه حجيبه ليها
سها تأتى وهى تحمل صينية المشروبات وتقدم للضيوف بن خالتها يرمقها بغل سها تتجاهل نظرته
خالتها تبتسم فرحه وزوج خالتها فى سرور :
على بركة الله نقرأ الفاتحة
ـــــــــــــ قطع ـــــــــــــ
إللى اللقاء فى الحلقة القادمة
يتبع ................
ليست هناك تعليقات:
إرسال تعليق