أغنية ؛ وانا مالي
***************
زي ما عاوز تنسي اعذاري
حاول مره تراجع عذرك
وان كان مره هترضي بناري
انا مش عاوزك ولا يوم فاكرك
كل الدنيا بشيلها لحلمك
وان جه خاطر عندي بعلمك
يعني كتاب مفتوح علي طول
لكن انت كتير مشغول
مش علي بالك ولا في خيالك
وانا بحنيني ليلي يطول
ازاي هنسي كلامك ليا
وانسي غرامك والملاغيه
ياما اديتك م الحنيه
ولا صدقتش مره عزول
روح في طريقك سيبني ف حالي
بعد ما هديت كل آمالي
مش راح افكر فيك ولا مره
وان جاني طيفك اقول وانا مالي
بقلم / إبراهيم فهمي المحامي
26/11/2016
ليست هناك تعليقات:
إرسال تعليق