جريدة القلم الفصيح

فول طعمية بدنجان
فول طعمية بدنجان
دا أكل الفقير الغلبان
وبالليل ينام فى أى مكان
مش مهم مستغطى 
ولا عريان
المهم ينام
ازاى هينام وهو بردان
النوم يهجر الأجفان
وبالنهار يشقى
ويبقى عرقان
يوفر من قوته
عشان ابنه العيان
ومش لاقيله دوا
فى أى مكان
والثانى بيصرخ جعان
يابا جعان
 وهو خايف عليهم
من غدر الزمان
والبنت بكرة يجلها العرسان
هيجهزها منين ياجدعان
ما الراجل ياعينى فلسان
والأسعاربقت جنان
اللحمه انحرم منها الغلبان
والسكر م السوق هربان
يااللى عايش فى قصور وجنان
وبتاكل فراخ وحمام
وبتشكى من التخمه والألام
وبتسمع كلام الدجال الخرفان
وتصرف فلوسك لإرضاء الجان
أدى الفقير حقه
اللى فرضه الحنان
تسلم من الأمراض والآلام
وتقوى الأبدان
خرج زكاتك
قبل فوات الأوان
تعيش فى أمان
وتنجو من النيران
و تخفف عن كتفك
حمل الزمان





 بقلم :محمد حجاج