اضحك للايام ..... بقلم الشاعر حسين الديب

،، إضحك لﻷيام ،،،
 الشاعر حسين الديب ،،،

إضحك لﻷيام تضحكلك
 و اﻷيام السودا تعدي ،،

و شاور ع اﻷحلام تلقاها
 تيجي قصادك يوم و تهدي ،،

و إن شوفت اﻷحزان بتنادي
 عيش ويا اﻷحزان بتحدي ،،

و إفتح لﻷفراح دراعاتك
 تلقى الفرحة جايةعليك ،،

تلقى البسمة تحوش دمعاتك
 و تلقى الضحكة ماليه عنيك ،،

و تلقى الدنيا تحت أقدامك
 جايه تقدم فرض الطاعة ،،

و إنت بزهدك راح تزهدها
 حتى إن باست يوم رجليك ،،

حتى إن جعلت نفسها أنثى
 و واقفة بتوهب نفسها ليك ،،

و بردو إن جعلت نفسها مال
 و مالها بيملا كف إيديك ،،

إزهد فيها و كل ما تزهد
هتيجي و تركع و كمان تسجد
 و تقولك خدني أنا ملك إيديك ،،

و إضحك للأيام تضحكلك
 و اﻷيام السودا تعدي ،،

و إن جالك حزنك يندهلك
 عيش ويا اﻷحزان بتحدي ،،