عملوها فينا...شعر عامية...الهام شرف

من بين هجايس نجم ماشي بيتمختر
حتى الوصول لساحة الروقان
يا ست يا طيبة الجو بيمطر
والسكة راح تتسع
لو عدى جوز غزلان
عملوها فينا وقالوا جنية
تسكن على سطحنا وبتقصد الغلمان
راحت بنات الحارة عملوها أغنية
دقت طبول الوجع
وما عادش فينا إيمان
على سبيل البدع
شايفه النفوس تتهان
شايفه شوارع كده
ليها حيطان وبيبان
واتقسمت فيها معالم الإنسان
ما بين يا قلبي الرضا
أو حتى ما له أمان
يا قلبي مالك كده
حاسس كإن العجب
رفرف وقال ...!زعلان
وانشق بيننا الوتد
والدمع فيه ولهان
مالها الملامح كده
بتشبه الغربان
حقي أقول كل ده
ولا أكون غلطان
باتت نفوس العدا
شايفاني مش إنسان