هو انتى ليه مستغربه عشان بقول لك وحشتينى ..
محتاره ليه مابلاش ظنون وتعالى شوفى عينى ..هتلاقى عشق وسهد وحيره فيها وشوق مالينى ..
خيالك كل ليلة معايا سهران وكلمة منك تكفينى ..
لو كنتى زعلانه مني خلاص بقا بلاش توحشينى ..
بلاش طيفك كل ليلة يجينى ومن عز نومي يصحيني ..
بحبك موت وبعشق عيونك وبغير عليكى منى ومن عينى ..
حبيبتى لو مبسوطه أنا مبسوط ولو تزعلى زعلك بيكوينى ..
فرحك بيملانى سعاده وهنا وسرور بلاش تبعدى وتسيبينى ..
لو انتى شايفانى مزودها قوى تعالى بنفسك بسرعه شوفينى ..
تعالى وهتشوفى حد مشغول حد تايه ومستنيكى تلاقينى ..
خدينى لعنيكى وخديني فى حضنك وبلاش تانى توحشينى
ليست هناك تعليقات:
إرسال تعليق