حاجه تحير بقلم:شيماء الدالى

اوصفلك ايه حاجه تحير
انا قلبى فى قربك اتغير
البهجه بتترسم 
والشفايف تبتسم
فى قربك البهتان اهو نور
بعدك ازعاج
قربك علاج
يا تركيبه وصعب تتكرر
بحسب الوقت بالدقايق
وان طال غيابك اتدايق
القلب يثور ف عذاب
وحضور الناس غياب
ومعاه روحى بتتعايق
تنشغل وتختفى
واحساسى ينطفى
وتجيلى تخلى البال رايق
بيتكلم وحواسى انتباه
وتركيزى ف معانى جواه
لحظه قربنا
بتشعل نبضنا
ونحس بطعم للحياه
نسمع لبعض دقات
تهمس تقول حكايات
ومشاعرنا ف نفس الاتجاه
تفاصيل حروفك تخدرنى
واهتمامك لضعفى يحررنى
لقربك ريحه
وحاجه مريحه
واشواق فى ليلى تسهرنى
مميز بالاحساس
وليه اسلوب خاص
وقلبه لو ندانى بيأمرنى

# بقلم:شيماء الدالى#