حب نبينا *********** بقلم /إبراهيم فهمي

لو جيت اكتب
هكتب أيه ؟
وكل مشاعري حروف تناديه
يمكن حبي ما يليق بيه
يمكن ذنبي حاجز مداريه
يمكن كل دموع الدنيا
لو من عيني
مش تكفيه
حبه مزلزل كل مشاعري
وكل جوارحي
وكل ما بي
يللي الرحمة بتجري ف إسمك
والنور ضي بنمشي عليه
كل كلامك رحمة وآيه
مش سهرايه
ف ليل نحكيه
حبك غايه
بنسعي إليه
وان جه ذكرك
صلوا عليه
حبك لينا
جوه عنينا
ونفسي في كفك يوم تروينا
يمكن كل كلامي مكسر
وأكيد فعلي ضعيف ومقصر
لكن حب نبينا الغالي
يوم ورا يوم
بيزيد وبيكبر
حب نبينا الله أكبر
حب نبينا الله أكبر ......