# قلبى بقلبك اتشرف# #بقلم:شيماء الدالى#

مشاعرك ناعمه وراقيه
وطيبه قلبك هى الباقيه
بعشق طفولتك
اللى بيسبقها رجولتك
واصل حقيقتك الناقيه
لو قلتلك انى بعشقك
يبقى ده كلام بسيط
وان كل ما فيا مصدقك
يبقى والله ما كفيت
لالهام الروح انت المنبع
يا مالك القلب ومتربع
من كل الناس انا بتنكر
وبقعد فيك بس وافكر
بجيب كلامك واراجعه
ينسى للقلب مواجعه
واحساسك حلو ومسكر
بتقدر تشفنى من جوه
وبستمد منك القوه
وباخد من فكرك واكبر
فى حبك بقيت جريئه
عشان حساك شىء منى
حبيبى وعليك طريقه
من وحى روحك تلهمنى
كل يوم عليك بتعرف
بذوقك دايما تتصرف
الرد مناسب
وعلى الكلمه تحاسب
وانا قلبى بقلبك اتشرف