نفسي أقولك..بقلمي/ عادل محمود

نفسي أقولك .. إنك قمراية ..
وكل حاجة فيكي .. حكاااية ..
إنتي اللي القمر بيغير منك ...
وانتي اللي تتباهى بيكي المراية
كل حاجة فيكي حلوة ..
م البداية ...... للنهاية ....
شكلك .. لبسك .. عطرك ..
بيعطر نسيم هوايا ...
ولا كسوفك .. وحمرة خدودك ..
أخلاقك و أدبك .. آية .....
عارفة ...
بقيت بحس إنك سكناني ..
ولا بتغيبي عن بالي ثواني ..
دايما شايف وشك بيضحك ..
بينور أرضي وسمايا ..
ياللي جمالك .. رغبة وغاية
نفسي أقول للدنيا بحالها ..
إنك حبيبتي ..
عشان من غيرتي ..
بقيت نفسي أخبيكي جوايا ..
وانا لو فضلت أوصف فيكي ..
مفيش كتب هتكفيكي ...
ومهما قولت .. واتغزلت ..
مش كفاية ..
أنا قلبي عشقك ..
وف عشقك عايزة قاموس لوحدك
وجمالك ...
ده لوحده روااااية ...
ياللي جمالك
رغبة وغاية