مش بأمري..شعر عامية..الهام شرف

نفسي أكتب فيك قصيدة
توصف الأيام بجد
اللي عشت معاها بيك
كنت جنبك نجم عالي
وانت قمري
مش بأمري
نفسي أكتب لك جواب
يتقرا فيه الكلام
نفسي أصحى من منامي
صوتك انت بس ينده
صوت بيرسم ضحكة حلوة جوه قلبي
وانت جنبي
نفسي أشكيلك حبايبي
دول فاتوني لما عرفوا بعشقي ليك
نفسي تمسح مرة دمعي
لما توحشني إيديك
نفسي بكره ييجي يكره بعدي عنك
يعشق القرب لعنيك
نفسي اضمك جوه قلبي وانادي كل الدنيا بيك
الهام شرف