يا أم قلب أبيض وضحكة رايئة
يا حلوة يا ام البلاص
شيلاه عالعين والراس
مين فى أدك أد
واحتار فيكى الرد
وليكى فى كل طلعة جد
مصرية والكل يعرف انك دايئة
م المر ؛ والشمس ليكى سايئة
مع كل صبح يهل
نورك ع الدنيا يطل
وياما درسوا المشية
وقالوا ازاى دى عايشة
من غير ما تحود راس
افتكروكى تمثال من غير احساس
ميعرفوش انك مصرية الانفاس
ويا عينى مين زيك يا صاحبة البلاص
تمشى تتباهى بيه وسط الناس
ويقولوا جدعة وما يهمها هموم
مسيرها تتعدل او ديتها تداس
امل جودة
ليست هناك تعليقات:
إرسال تعليق