بنــات مساكيــــــن
من بيوتهـم خارجيـن
ف السكـك ماشيـــن
مـ النـاس خايفيـــن
للمشاكل متعرضيـن
مشاكلهم أحمـــــــى
مـن حــد السكيــــــن
مستنيــن فرصــــــه
ويردوا القلـم قلميــن
للأهـل والأقربيـــــن
اللى جاعت واتعرت
واللى انضحك عليها
وباسم الحب اغتصبت
واللى من إهمال أمها هربت
ومن جوز امها حملت
وبعلم أمها وضعت
والمصيبه اللى من أبوها
بـرضـــــه حملـــــــــت
ياناس البنات دى بناتنــا
مـ القســـوه والظلــــــم
والإهمال والجوع هربت
طمعانين فى إيد تحن عليهم
إيد تمســح دمعتهـــــــــم
ترجعهـم لينـا من تانـى
مـن غيـر حقـد وغـــل
فـى قلـوبهــــــــــــــم
مـن غيـر سكاكيـــــن
تقطع قلوبنا وقلوبهم
بقلم: محمدحجاج
ليست هناك تعليقات:
إرسال تعليق