،،،يا بكرة يلي جي ،،، الشاعر حسين الديب ،،،

يا بكرة يلي جي
بنهارك الجديد ،،
خليلنا يومنا أحلى
خليلنا يومنا عيد ،،
و خلي الفرحة تغمر
اﻷب و الوليد ،،
و إملا الدنيا أماني
و إحنا علينا التهاني
و هنقابلك باﻷغاني
و إنت جاي من بعيد ،،
و إنت جاي من بعيد ،،
--------
يا بكرة يلي الفرحة
معاك متجددة ،،
وزع أفراحك يلا
في قلب دا و دا ،،
و خلي الفرحة تجري
في قلب اﻷوردة ،،
و خلي شبابنا يفرح
خلي شبابنا سعيد ،،
خلي شبابنا سعيد ،،
------
يا بكرة أنا في إنتظارك
إبعت لينا نهارك ،،
و أخر ليلك شوية
خلي ضلامك بعيد ،،
خلي ضلامك بعيد ،،