يعنى ايه انك فى يوم تصحى تبقى مش سعيد
يعنى كل العمر ضايع والحياه مفيهاش جديد
حتى نفس الكلمه تايهه بين شفايف من حديد
لما تبقى سنين حياتك زى شىء شايفه بعيد
لما تلقى اليأس طايح يجرى بيك جوّه الوريد
لما تلقى المر طافح والأمل بركان وليد
يبقى اعرف ان قلبك فى الحياه أصبح شهيد
مره واحده سمعت قلبى دق دقّه من زمان
كنت لسّه زرع أخضر اتقلع قبل الأوان
شفت بعينيا البراءه بتتقتل من غير حنان
شفت حتى الخوف سجين كان بيشرب م الهوان
فجأه صحت يا ناس سيبونى نفسى أحلم بالأمان
نفسى مره يحب قلبى نفسى ألقاه مش جبان
ليه حياتنا بتتفرض من غير ما حتى اختيار؟
تلقى واحد حب واحده يتولد بينهم دمار
والمسافه كتير بتبعد ما هى واخده ع الفرار
والنصيب يفرض قلوعه والمخاوف والحصار
والقى نفسى برضو وحدى لسه عاجز عن قرار
هو يعنى كتير علينا قلبنا يعرف نعيم؟
ولا تسقط من ايدينا الحياه لو يوم نهيم؟
حد بس يا ناس يقول لى جرحى ليه دايماً أليم؟
وان حاولت فى يوم أحقق حلم قلبى أكون ذميم
مش هغامر مره تانى تنجرح منى قلوب
طول ما قلبى ما هو ملكى يبقى فى الاحساس عيوب
هبتعد عن أى نظره اترمى بيها وادوب
واندفن جوّه المتاهه يمكن الاحساس يتوب
يعنى كل العمر ضايع والحياه مفيهاش جديد
حتى نفس الكلمه تايهه بين شفايف من حديد
لما تبقى سنين حياتك زى شىء شايفه بعيد
لما تلقى اليأس طايح يجرى بيك جوّه الوريد
لما تلقى المر طافح والأمل بركان وليد
يبقى اعرف ان قلبك فى الحياه أصبح شهيد
مره واحده سمعت قلبى دق دقّه من زمان
كنت لسّه زرع أخضر اتقلع قبل الأوان
شفت بعينيا البراءه بتتقتل من غير حنان
شفت حتى الخوف سجين كان بيشرب م الهوان
فجأه صحت يا ناس سيبونى نفسى أحلم بالأمان
نفسى مره يحب قلبى نفسى ألقاه مش جبان
ليه حياتنا بتتفرض من غير ما حتى اختيار؟
تلقى واحد حب واحده يتولد بينهم دمار
والمسافه كتير بتبعد ما هى واخده ع الفرار
والنصيب يفرض قلوعه والمخاوف والحصار
والقى نفسى برضو وحدى لسه عاجز عن قرار
هو يعنى كتير علينا قلبنا يعرف نعيم؟
ولا تسقط من ايدينا الحياه لو يوم نهيم؟
حد بس يا ناس يقول لى جرحى ليه دايماً أليم؟
وان حاولت فى يوم أحقق حلم قلبى أكون ذميم
مش هغامر مره تانى تنجرح منى قلوب
طول ما قلبى ما هو ملكى يبقى فى الاحساس عيوب
هبتعد عن أى نظره اترمى بيها وادوب
واندفن جوّه المتاهه يمكن الاحساس يتوب
ليست هناك تعليقات:
إرسال تعليق