شعر فصحى,شعر عاميه, نثر,خاطره,قصه,أمومه وطفوله,اعلام وفن,مقال,اسلاميات,صوتيات وفيديوهات

الأحد، 28 مايو 2017

حاول تحلم ... قصيده للشاعر / على رضوان

الحلقة التاسعة من البرنامج الأدبى (فتافيت السكر )
وقصيدة (حاول تحلم )من ديوان (عصافير الوادى اصدار 2008
للشاعر الوطن / على رضوان 
حاول تحلم 
حاول تحلم يوم بالنور 
جايز تلاقى نفسك تانى 
جايز تنسى 
وجايز تحاول ولا تنساش 
أيام راحت كدا بلاش 
ومهما تقيس فى خطاوى الأرض
بالطول والعرض
ومهما تلف الكون بحاله
أوتتقفل كل بيبان الكون ف وشك 
إوعة تغشك 
باب الله دايماً مفتوح 
فى ضلام ووضوح 
وماليه النور 
صحصح فوق وارمى همومك 
ارمى هموم كسرت فيك 
كل مافيك 
وطفت ضى بصيص النور 
جوه عنيك 
صحصح قبل الموت مايجيك 
امسك كل كيانك فيك 
وارسم خطك 
فَوق نبض الروح العاشقة حياتها ف نبضك 
وأغسل نفسك من جواك 
وإياك تنسى ف يوم الحلم 
وطريق النور 
قلب ورق الدنيا ف عينك 
شوف الظلم من المظلوم 
شوف العلم من المعلوم 
شوف الحاكم من المحكوم 
شوف الخير وشوف الشر 
وشوف نفسك واقف فين 
وخضار الحلم المالى عيوبك 
عمال يبكى ف نن عنيك 
وانت سكاتك مالك روحك 
وبيتحكم دايماً فيك 
صحصح ..فوق قبل الموت 
مايجيك 
ينهيك 
شعر /على رضوان 
2008
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)

المتابعون