ضايعين...شعر عامية...الهام شرف

على إن الأمل سارح
وييجي بكرة لامبارح
رسوم تجاعيد على كيفنا
وليه زاهدين؟
وراح نرمي كمان على مين
حمول أوزان بتتكاتف
رصيد عايش بقاله سنين
ومين يبكي؟
ومين يضحك؟
ومين حتى راح ينسى؟
ومين قسم ؟
ومين خلاني أتبسم؟
مافيش ضحكة
سؤال حاضر
جواب غايب
وناس تايهين
مافيش انت
ما فيش احنا
بنقرا الفاتحة على روحنا
ووقت المحنة نستغفر
على غيرنا بنستكتر
مافيش أكتر من الفتنة
بقينا كلنا

ضايعين