خالدصحصاح ابوصالح
يحييكم..........
حكايات حمارة يويو (11)
معلش اصدقائى الاحباء
ياريت نستحمل مع بعض الرغايه بنت الرغايه دى
طبعا ( رهوانه ) وهوه فيه غيرها واجع قلبى ومصدع دماغى بس هااعمل ايه لازم استحملها ماهى صديقتى وعشرة عمر ومن واجبها عليه انى اسمعها واتكلم معاها واريحها....المهم جتلى بعد الفطار وقالت لى فيه بعض اصدقائى جم لى الغابه وبيشتكوا ليه منك ومن شارعكم ومنطقتكم قولت لها همه مين قالت لى بس تعالى واقعد معاهم وشوفهم واسمع لهم وان كان عندك رد يبقى رد عليهم....
قولت لها وماله اروح معاكى واسمعهم وربنا يقدرنى وارد عليهم..
واول ماوصلنا الغابه لقيت مجموعة قطط واضح عليهم الضعف والهزل والخمول كده
رميت عليهم التحيه فردوها بس معجبتنيش الطريقه....
راحت رهوانه متدخله
وقالت لهم اهوه صحبى اللى انتم عايزين تشتكوا له...اهووووووه
ياريت بقى تتكلموا قطه قطه من غير هيصه........
*راحت نطه اول قطه قدامى وقالت لى اول حاجه ان نطيطت فوق سطح جيرانكم مالقيتش عظم عندهم همه مابيشتروش لحمه ولا فراخ ولابط ولا وز ؟؟؟؟
قولت لها ياست الكل جارنا ده فلوسه كتير والرزق عنده كتير مش بيشتغل يوم ويقعد عشره واليوم اللى بيشتغلوا يجيب بيه اللى هوه عايزه السوق مليان والاسعار تمام حتى انه من حوالى سنه اشترى (دكر وز ) وعمل فته ورز والمنطقه كلها باركتلوا وعمل مرقه كتير وعباها فى جراكن ووزع على الناس كلها من المرقه دى وانا ساعتها نشرت على الفيس بوك
راحت بصالى كده بصه مش حلوه معجبتنيش روحت عامل نفسى مش واخد باللى ...
راحت نطه قطه تانيه وقالت لى ان نطيت على سطح بيتكم لقيت عظم يكفى بلد بس المشكله ان مفيش ولا عظمايه فيها ريحة اللحمه هوه انتوا مابتشتروش الا العظم قصدى الهياكل العظميه للفراخ....ولا ايه
قولت لها اخرسى ياقليلة الادب حسنى مالفظك يااللى مابتعرفيش تتكلمى انا والحمد لله موظف قد الدنيا ومرتبى يكفى نص البلد دا انا ماباكلش الا الرومى والضانى ...اما بالنسبه للهياكل اللى بتتكلمى عليها دى...موضوعها انى بااجيب الفراخ سليمه واجيب جزار يخلى العظم لوحده واللحم لوحده. فباروح باعت اللحم المخلى لاصدقائى واحبائى والعظم او الهياكل باخليها للقطط يمصمصوا فيها ويتسلوا وان فضل حاجه باابعها لبتاع البرابوكيا ...مش زى انتى وغيرك مابيلسن ويقول المرتب لايرضى عدو ولا حبيب عيب عيب بطلوا. كلام فاضى مالوش لازمه ...المهم فيه حد من القطط عنده سؤال او استفسار تانى؟؟
كلهم ردوا فى نفس واحد كفايه كده النهارده انت باين عليك ان الضغط والسكر عندك عليوا روووووح خد علاجك ياعممممممم
ليست هناك تعليقات:
إرسال تعليق