زعلانه ليه ؟
*************
زعلانه ليه يم العينين المكسورين ؟
مش هوّ ده أخرة سكوتك من سنين ؟
فتَحتِ بابك للي يرقص واللي يُخبص
واللي كان شيطان رجيم
دلوقت جايه تِهزّي قلبي بدمعتين ؟
م انا ياما قلت كتير زمان
وفهمتك إزاي تخافي علي الجنين
كان وقتها لسه الأمل
بذره في رحم الغلابه المطحونين
كانت يدوب المشكلات تتعد علي الايدين
دلوقت زِدنا البلّه طين
وبقينا وصمه علي الجبين
وبقينا مطمع للصوص والمجرمين
وبقينا ملناش أي دين
كل الديابه للبيوت متربصين
حالفين لياخدوا أرضنا وعرضنا
ورزقنا
لاجل م نبات شحاتين
بس الأكاده ف أولادك ليه همّ مبسوطين ؟
وكأن فخر العزه مبقاش ع الجبين
ايه اللي فايض مننا علشان نسيبه مبسوطين؟
ايه اللي كاسر نفسنا علشان نعيشها مجبورين ؟
هو احنا يعني خلاص بقينا مسطولين ؟
يا ناس ده انا قلبي حزين
صعبان عليا نعيش حياتنا مكسورين
ضميرنا فين ؟
نخوتنا فين ؟
رجولتنا فين ؟
مش مكسوفين ؟
لمي دموعك يا حزينه وارحلي
وكر الخيانه أقوي منك له سنين
مش هيسيبوكي تنشّفي دمعه
ولا هيسيبوكي لإيد واحد أمين
آه لو زمانك خَدِّتِ مره بكلمتي
وسمعت شكوي الناس المظلوين
ما همّ دول أصل الوطن
واللي الحكايا بتنكتب علشان يكونوا مرتاحين
لكن م شافوا يوم هنى
ولا عاشوا مره مجبورين
من حاله طين
لحاله طين
بس الغريبه ... خرصانين
جواهم الكلمه بتصرخ جوه الوريد
لكنها عاجزه تفك لسان سجين
خايف يفضفض عن ألم
أو يفتح الباب للشكاوي المحبوسين
آه يا حزينه
مش عارف أقول غير الوجع
فوق الورق
وارسم ملامح بالكلام
لوليد سجين
لا عرفنا مات ولا لسه عايش
لسّانا ف عروقنا الجنين
مستني شمس تجيب معاها نور جديد
يصحي اللي باقي جوه روحنا من جديد ‘‘‘‘‘‘
بقلم / إبراهيم فهمي المحامي
16/6/2017
*************
زعلانه ليه يم العينين المكسورين ؟
مش هوّ ده أخرة سكوتك من سنين ؟
فتَحتِ بابك للي يرقص واللي يُخبص
واللي كان شيطان رجيم
دلوقت جايه تِهزّي قلبي بدمعتين ؟
م انا ياما قلت كتير زمان
وفهمتك إزاي تخافي علي الجنين
كان وقتها لسه الأمل
بذره في رحم الغلابه المطحونين
كانت يدوب المشكلات تتعد علي الايدين
دلوقت زِدنا البلّه طين
وبقينا وصمه علي الجبين
وبقينا مطمع للصوص والمجرمين
وبقينا ملناش أي دين
كل الديابه للبيوت متربصين
حالفين لياخدوا أرضنا وعرضنا
ورزقنا
لاجل م نبات شحاتين
بس الأكاده ف أولادك ليه همّ مبسوطين ؟
وكأن فخر العزه مبقاش ع الجبين
ايه اللي فايض مننا علشان نسيبه مبسوطين؟
ايه اللي كاسر نفسنا علشان نعيشها مجبورين ؟
هو احنا يعني خلاص بقينا مسطولين ؟
يا ناس ده انا قلبي حزين
صعبان عليا نعيش حياتنا مكسورين
ضميرنا فين ؟
نخوتنا فين ؟
رجولتنا فين ؟
مش مكسوفين ؟
لمي دموعك يا حزينه وارحلي
وكر الخيانه أقوي منك له سنين
مش هيسيبوكي تنشّفي دمعه
ولا هيسيبوكي لإيد واحد أمين
آه لو زمانك خَدِّتِ مره بكلمتي
وسمعت شكوي الناس المظلوين
ما همّ دول أصل الوطن
واللي الحكايا بتنكتب علشان يكونوا مرتاحين
لكن م شافوا يوم هنى
ولا عاشوا مره مجبورين
من حاله طين
لحاله طين
بس الغريبه ... خرصانين
جواهم الكلمه بتصرخ جوه الوريد
لكنها عاجزه تفك لسان سجين
خايف يفضفض عن ألم
أو يفتح الباب للشكاوي المحبوسين
آه يا حزينه
مش عارف أقول غير الوجع
فوق الورق
وارسم ملامح بالكلام
لوليد سجين
لا عرفنا مات ولا لسه عايش
لسّانا ف عروقنا الجنين
مستني شمس تجيب معاها نور جديد
يصحي اللي باقي جوه روحنا من جديد ‘‘‘‘‘‘
بقلم / إبراهيم فهمي المحامي
16/6/2017
ليست هناك تعليقات:
إرسال تعليق