اليك غيرت عنوانى
من ديوان/لسه الفؤاد عطشان
للشاعر مصطفى فريد
فى قربك نفسى اتهنى
وعينى تحضن الجنه
وانول كل اللى باتمنى
رضاك يا عدل ياحنان
فى عز المحنه باشتألقك
ورغم ذنوبى بالچألك
باحس بروحى تندهلك
وتدعى إليك بألف لسان
عصيت وسترتنى يا عظيم
وجيت وانت بى عليم
لقيت رغم ذنبى رحيم
سقيتنى التوبه بالقرآن
فيك طمعان يارب الكون
بحق الكاف وحق النون
تسامح عبدك المديون
أنا فى عفو الكريم عشمان
ليست هناك تعليقات:
إرسال تعليق